МИНСКДА RAVON БРЕНДИ АВТОМОБИЛЛАРИНИНГ ТАҚДИМОТИ ЎТКАЗИЛДИ

Минскда Ravon бренди тақдимоти бўлиб ўтди, у Белорусь Республикасида автомобиллар сотуви бошланганлигини англатди. Модель қатори учта моделдан иборат бўлади: Ravon R2, Ravon Nexia R3 ва Ravon R4.
Тақдимотда, шунингдек, Белорусь журналистларининг Ravon R2, R3 ва R4 автомобилларидаги тантанавор Тошкент-Минск автопойгаси финиши ҳам бўлди. Бу пойга 25 октябрь куни UzAuto Motors Service & Trade-In Center майдончасида бошланган эди. Пойга масофаси 7 000 км.дан зиёд бўлиб, Ўзбекистон, Қозоғистон, Россия ва Белорусь ҳудудлари бўйлаб ўтди. Автопойгадан кўзланган мақсад Ўзбекистоннинг белорусь истеъмолчилар билан дўстона алоқаларини мустаҳкамлаш ва ўзбек автомобилларининг ишончлилигини намойиш этишдан иборат эди.
Белорусда Ravon автомобилларининг савдоси билан UzAuto Motors компаниясининг расмий дилери – “Мультимоторс” шуғулланади.
Автомобиллар ҳақида кўпроқ маълумот билан сайтда танишишингиз мумкин: http://ravon.by/












