«МАЛИБУ ТУРБО» — ДУНЁ ТРЕНДИ ЎЗБЕКИСТОНДА

<br />
                          Yangiliklar</p>
<p>

Бугун Тошкент вилояти Пискент туманида жойлашган автополигонда «ДжиЭм Узбекистан» АЖда моделлар қаторини янгилаш борасидаги глобал стратегияга мувофиқ ишлаб чиқарилаётган турбодвигателли «Малибу» автомобилининг янги авлоди намойиш қилинди ва тест-драйвдан ўтказилди.

Тест-драйв иштирокчилари автомобилнинг барча афзалликларини кўриб чиқиш имконига эга бўлишди.

Жаҳон тенденциялари
Айни дамда деярли барча автомобиль ишлаб чиқарувчилар турбопуфлагичли двигателларга босқичма-босқич ўтмоқда. Автомобиль ускуналари соҳақида ўзининг ишланмалари билан машҳур бўлган йирик Америка корпорацияси Honeywell International, Inc. Прогнозларига кўра 2021 йилга бориб дунёдаги барча автомобилларнинг 48% турбодвигатель билан жиҳозланган бўлади.

>>>

«JV MAN Auto-Uzbekistan» МЧЖ ҚК Тожикистонга 14 та MAN самосвалини етказиб беради

  Ҳамкорлик чегараларини кенгайтириш ва хорижий бозорлардаги мавқеини мустаҳкамлаш мақсадларида, «JV MAN Auto-Uzbekistan» МЧЖ ҚК Қоғозистон, Тожикистон, Қирғизистон бозорларига кириб боришда фаол давом этмоқда, грузиялик шериклар билан амалий муносабатлар ривожланмоқда, шунингдек бошқа мамлакатлардаги шериклар билан ҳам музокаралар ўтказилмоқда.
Чунончи, Тожикистондаги «Синов механика заводи» ЁАЖ билан компания умумий қиймати 1 481 200 АҚШ долларига тенг 14 дона MAN TGS 41.400 8×4 BB самосвалини етказиб бериш бўйича контракт тузди.
Ушбу автомобиль-самосваллар ортдан тўкиладиган 20 м3 ҳажмли кузовга эга, юк кўтариш қобилияти – 28 тонна, қоя тошлар ва йирик бўлакли материаллардан ташқари, инерт материаллар (тупроқ, шағал, қум, майда тош, асфальт-бетон ва ш.к.) ташишга мўлжалланган. Улар, шунингдек, Common Rail замонавий ёқилғи узатиш тизимили қудратли тежамкор D20 двигатели, 16 босқичли механик узатмалар қутиси, кучайтирилган рессор осмаси, ABSли барабанли тормоз, электрон назорат тизимлари ва қулай кундузги кабина билан жиҳозланган.

>>>

ХОРАЗМ ВИЛОЯТИДА «O`ZERAE CLIMATE CONTROL»НИНГ ЯНГИ ФИЛИАЛИ ОЧИЛДИ

erae3

Жорий йилнинг 22 сентябрь куни Хоразм вилоятининг «Хазорасп» ЭИЗда «GM UZBEKISTAN» АЖда ишлаб чиқариладиган «Дамас» ва «Лабо» автомобиллари учун иситиш ва вентиляция тизимини ишлаб чиқарадиган  «O`zERAE Climate Control» МЧЖ ҚКнинг Хоразм вилояти филиали иш бошлади.
Янги филиалнинг ишга туширилишидан асосий мақсад ишлаб чиқариладиган маҳсулотнинг номенклатурасини кенгайтириш, локализацияни ривожолантириш, шунингдек Хоразм вилоятида янги иш ўринларини ташкил этишдан иборат.
Иситиш ва вентиляция тизими ишлаб чиқаришнинг корхонасининг максимал йиллик қуввати 72 000 донани ташкил қилади. Айтиш жоизки, корхона фаолиятининг илк кунидан сифат, бутловчи ва тайёр маҳсулот кўпфункционал назорат тизими ишлаб чиқаришнинг ҳар бир босқичида қўлланилади.

>>>

ТОШКЕНТДА ИССИҚ ИҚЛИМ ШАРОИТИДА АВТОТРАНСПОРТ ВОСИТАЛАРИНИ РИВОЖЛАНТИРИШ ИСТИҚБОЛЛАРИ МУҲОКАМА ҚИЛИНАДИ

tirin1 2018 йилнинг 19 сентябрь куни Тошкентда «Иссиқ иқлим шароитида автомобиль транспорти воситаларини эксплуатация қилиш ва яратиш тажрибаси» мавзуида 104-халқаро илмий-техникавий конференция бўлиб ўтади.
Конференция Тошкент шаҳридаги Турин политехника университетида Россиянинг Автомобиль муҳандислари Ассоциацияси ҳамда Россия Федерациясининг “Марказий автомобиль ва автомотор илмий-тадқиқот институти” Давлат илмий маркази, Ўзбекистон стандартлаштириш, метрология ва сертификатлаштириш агентлиги, Инновацион ривожланиш вазирлиги ва бошқа вазирлик ва идора вакиллари иштирокида бўлиб ўтади.

Конференцияни ўтказишдан мақсад автотранспорт воситаларини ривожлантириш истиқболларини муҳокама қилиш, уларнинг янги конструкцияларини синаш, ишлаб чиқиш, эксплуатация қилиш, метрология ва сертификатлаштириш соҳаларида ҳамкорлик алоқаларини йўлга қўйишдан иборат.

>>>

«ЎЗАВТОСАНОАТ» АЖ ОГОҲ БЎЛИШГА ВА ФАҚАТ КОМПАНИЯНИНГ РАСМИЙ МАНБАЛАРИГА МУРОЖААТ ҚИЛИШГА ЧАҚИРАДИ

Энг аввало, «Ўзавтосаноат» АЖ автомобиль саноатида компания номи ва янги йўналишини, шунингдек виждонан фаолият юритаётган фидоий ходимларининг шаънига доғ тушираётган айрим ходимларнинг ноқонуний ҳаракатларини қоралайди.
Ана шундай «уддабурон» кишиларнинг коррупция тизимларини фош қилиш ва тугатишни бошиданоқ уддасидан чиқяпмиз. Ушбу йўналишда компания Ўзбекистон Бош прокуратураси билан ҳамкорлик қилишини, шунингдек, қонунбузарлик ҳолатларидан бизни вақтида огоҳ қилувчи фаол ва виждонли фуқароларга минатдорчилик билдиради.
Эслатиб ўтамиз, турли важлар билан GM автомобилларини харид қилиш чоғида қўшимча пул маблағларини талаб қилиш ҳолатлари юзага келганда, зудлик билан (+99871) 141-77-77 рақамлари орқали компаниянинг янги колл-марказига мурожаат қилишингизни сўраймиз. Бу билан сиз муаммони бартараф этиш баробарида уни ўз фойдангизга ҳам ҳал қилишингиз мумкин.

>>>